Rita Ora dhe Taika Waititi u panë këtë javë duke blerë ushqime së bashku në Los Angeles mes aludimeve për romancën e tyre.
Gjatë shëtitjes së tyre, regjisori 45 vjeçar dhe këngëtarja 30 vjeçare u panë gjithashtu duke u larguar nga një restorant.
Shëtitja e tyre e fundit vjen disa javë pasi Rita u pa duke ndarë një puthje me aktoren Tessa Thompson ndërsa ishin komode edhe me Taikan.
Gjatë kësaj paraqitjeje, biondja u shfaq me një triko ngjyrë të verdhë dhe një palë tuta të zeza.
Dukjen e kompletoi me një kapelë, maskë e po ashtu edhe syze dielli.
Ndërkohë, ylli nga Zelanda e Re kishte të veshur gjithashtu në palë pantallona të zeza e triko të bardhë, me një këmishë sipër.
Sikurse Rita, edhe Taika mbante një kapelë të bardhë, maskë e syze dielli.
Lidhja e re e Ritës vjen pas ndarjes së saj nga regjisori francez, Romain Gavras, në fillim të këtij viti.
Lajmi për romancën e re u bë i ditur në prill teksa u shfaqën për herë të parë bashkë në premierën e Drag Race të RuPaul.
