Dardan Krivaqa pritet sot që të paraqitet para gjykatës

Dardan Krivaqa, i dyshuari kryesor në rastin e vrasjes së 18 vjeçares nga Ferizaj pritet që sot të dal para gjykatës.

Avokati i tij Admir Salihu, tha që sot mund të ndodh që ai të paraqitet para trupit gjykues.

“Atij i është caktuar dje masa e paraburgimit prej 48 orë, por s’besoj që e lënë deri nesër. Ai sot mund të paraqitet para gjykatës. Por, ende nuk kam ndonjë informacion”, tha ai për Klan Kosova.

Kurse zyrtarja për informim Albënora Bekteshi-Hoti, tha se nuk ka akoma një kërkesë nga ana e prokurorisë.

“Ende nuk kemi ndonjë kërkesë të paraqitur nga ana e prokurorisë. Në momentin që do të kemi do të ju njoftojmë”, tha ajo.