Kosova në epërsi në pjesën e parë në ndeshjen me Izraelin

Përfaqësuesja e Kosovës ka shënuar golin e parë në udhëtim te Izraeli në ndeshjen e parë të Grupit I në kuadër të kualifikimeve për “Euro 2024”.

Dardanët e kanë nisur mirë takimin me izraelitët duke shënuar shpejt golin e parë.

Goli i parë erdhi pas një topi të rrëmbyer në pjese fushën kundërshtare nga Vedat Muriqi, i cili dërgoi topin te Milot Rashica.

Rashica u nis shpejt nga krahët dhe në tentim për ta dërguar topin në zonë, ishte mbrojtësi Eli Dasa që shënoi autogol.

Goli i epërsisë 0-1 erdhi në minutën e 36-të të takimit.