Nënkryetarja e Partisë Demokratike të Kosovës, Vlora Çitaku ka reaguar pas vrasjes së rëndë që ka ndodhur ditën e premte në Pejë, ku një grua dyshohet se u vra nga djali i saj.
Çitaku ka thënë se gratë nuk po ndihen të sigurta as në rrugë, as në vend të punës e as në shtëpi, transmeton Telegrafi.
“A ka ndonjë vend ku gratë ndihen të sigurta? Në rrugë jo. Në vend të punës jo. Në shtëpi jo. Dhimbje pafund për jetët e që po shuhen dhunshëm çdo ditë. Si institucione e sidomos si shoqëri duhet të ndërmarrim hapa të menjëhershëm për ta ndalur këtë fenomen tmerrues. Me vra gra, me ushtru dhunë duhet të jetë jo vetëm ligjërisht e dënueshme, por edhe kulturalisht e papranueshme”, thuhet në reagimin e Çitakut të bërë në Facebook.
Vrasja e rëndë në Pejë, deklarohet prokurorja: Kemi siguruar dëshmitarë – i dyshuari s’ishte në gjendje të flasë
Lexo po ashtu
Vrasja e rëndë në Pejë, deklarohet prokurorja: Kemi siguruar dëshmitarë – i dyshuari s’ishte në gjendje të flasë
Ndryshe, të premten në Pejë ka ndodhur një vrasje e rëndë, ku dyshohet se një grua është vrarë nga djali i saj.
Ngjarja tragjike raportohet të ketë ndodhur në shtëpinë e viktimës, lidhur me rastin është duke u marrë prokuroria ndërsa i dyshuari është arrestuar.
