50 Cent mendon se ka gjetur rrugën e tij, pas kaq shumë vitesh që ka folur publikisht për krimet e Diddy-t.
Dy reperët kanë qenë në mosmarrëveshje për të paktën një dekadë, me 50 Cent të përmendur shpesh në akuzat që përfshijnë muzikantin, i cili mbetet në burg në pritje të gjykimit.
Duke folur për People, reperi fillimisht u shpreh: “Shiko, mund të duket sikur gjithçka që po them është e tepërt ose e guximshme, por nuk është asgjë e tillë. Unë jua kisha thënë këtë për 10 vjet”.
Ai më pas shtoi: “Tani po bëhet më e qartë në lajmet me rastin Puffy (sido qoftë emri i reperit), por përveç kësaj, unë thjesht po them se kjo është perspektiva ime dhe arsyeja pse u largova nga e gjithë kjo. Nuk është stili im”.
Së fundmi reperi njoftoi se në Netflix do të publikohet një dokumentar, i cili do të fokusohet në rastin e muzikantit dhe do të quhet “Diddy Do It?”.
“Duhet të ishte me imunitet dhe të mbrohej nga Garda”/ Arrestimi i Metës, Blushi: U ushtrua dhunë fizike ndaj tij
Lidhur me këtë, ai i quajti “shqetësuese” akuzat ndaj Sean Combs dhe theksoi se shikuesit duhet të kujtojnë se veprimet e Diddy nuk pasqyrojnë të gjithë historinë e hip hopit dhe kulturës së tij.
Ylli tha gjithashtu se të ardhurat nga seriali do të ndihmojnë në mbështetjen e viktimave të abuzimit seksual.
Diddy u arrestua në Manhatan më 16 shtator pasi u akuzua për abuzim, kërcënim dhe shtrëngim të grave për vite me radhë “për të kënaqur dëshirat e tij seksuale, për të mbrojtur reputacionin e tij dhe për të fshehur sjelljen e tij”, që daton që nga viti 2009.
