Plagosja në Prishtinë, dy të dyshuarit ikën nga vendi i ngjarjes

Një person është plagosur nga disa të shtëna me armë zjarri mbrëmë në lagjen “Dardania” të kryeqytetit.

Dy të dyshuarit e këtij rasti, policia tha se kanë ikur nga vendi i ngjarjes.

Policia rastin e ka cilësuar si “Vrasje në tentativë”.

“Rr. Isa Boletini Prishtinë 21.02.2025-19:55. Raportohet se viktima mashkull kosovar, është gjetur i plagosur nga arma e zjarrit. Viktima është dërguar në QKUK. Sipas dëshmitarëve, të dyshuar janë dy persona të panjohur të cilët kanë ikur nga vendi i ngjarjes”, thuhet në raportin 24-orësh.