Padia për sulm seksual, ndaj Jay Z-së, është tërhequr.
Një grua kishte denoncuar Jay Z-në dhe Diddy-n për sulm seksual, duke pretenduar se ngjarja kishte ndodhur në MTV VMA në vitin 2000, kur viktima ishte 13 vjeçe.
Një audio incizim i siguruar nga “ABC News” shfaq viktimën që dëgjohet duke pranuar se Jay Z nuk e kishte sulmuar atë dhe duke pranuar se avokati i saj e shtyu të ngritë padinë ndaj Jay Z.
“Ai ishte vetëm aty, por nuk kishte të bënte me ndonjë akt seksual ndaj teje?”, pyeti hetuesi privat.
“Po”, u përgjigj Jane Doe.
Avokati i Jay Z, Alex Spiro, mohon se klienti i tij është takuar ndonjëherë me Jane Doe.
Në regjistrim, gruaja dëgjohet duke u thënë hetuesve se avokati i saj, Tony Buzbee, e shtyu atë të padiste Jay-Z.
“Ai ishte ai që më shtyu të shkoja përpara me këtë, me Jay-Z”, dëgjohet të thotë gruaja.
“Buzbee bëri?” pyetën hetuesit. “Po,” u përgjigj gruaja.
