Aktori me famë botërore ndërron jetë në moshën 34 vjeçare

Quentin Oliver Lee, i njohur më së shumti për rolin e tij si Fantazma në turneun amerikan të “The Phantom of the Opera” dhe një rol jashtë Broadway në “Oratorio for Living Things”, ka vdekur në moshën 34-vjeçare. Aktori vdiq nga kanceri i zorrës së trashë mëngjesin e të enjtes.

Bashkëshortja e tij, Angie Lee Graham, e bëri të ditur lajmin në një postim në Instagram, duke u thënë fansave se ai ndërroi jetë në “orët e vona” të mëngjesit të së enjtes pas një beteje disamujore me kancerin e zorrës së trashë.

“Pashë frymëmarrjet e tij të fundit, e mbajta fort dorën dhe ndjeva se rrahjet e tij të zemrës po largoheshin ngadalë. Ai kishte një buzëqeshje në fytyrën e tij dhe ishte i rrethuar nga ato”, shkroi ajo në Instagramin e aktorit.