Aurela Gaçe padyshim është nga këngëtaret më të dashura të publikut shqiptar.
Këngëtarja e njohur konsiderohet si një nga zërat më të fuqishëm të skenës muzikore shqiptar, e cila ka spikatur për të kënduarit live dhe energjinë shpërthyese në skenë.
Por përkundër se këngët e saj shndërrohet në hite ajo nuk ka aq klikime sa disa nga kolegët e saj.
Së fundmi, gjatë një interviste për “21 Media”, Aurela ka folur për klipin e saj dhe klikimet, duke mos kursyer as edhe një “thumb” për kolegët e saj.
“Pritet shumë mirë. Nuk i kam ato klikimet sepse nuk kam lekë që t’i hedh për të blerë ato klikime. Apo s’duhet ta thoja këtë? Lekët i hedh në performancë, në punë. Nuk kam nevojë ti mbush mendjen askujt nëse jam e suksesshme ose jo sepse shumë mirë kudo që shkoj publiku më pret shumë mirë”, u shpreh këngëtarja.
Më tej, Aurela lajmëroi se së shpejti do të vijë me një album të ri, të cilin fansat e saj po e presin me shumë entuziazëm.
