Një pjesë e kryeqytetit së shpejti do të marrë pamjen e re me ndërtimin e “ishullit urban” Arbëri – Pallati i Rinisë.
Ky llogaritet të jetë njëri ndër projektet më të mëdha në Prishtinë.
E i pari i komunës, Përparim Rama u shpreh i lumtur për këtë projekt.
“Po u grahim punëve. Pas një pune të palodhshme po inaugurojmë fillimin e punimeve. Ky do të jetë një park i ri, edhe pas sfidave të shumta po e ndërlidhim siç kemi premtu, po i transformojmë në realitet. Benefitet janë shumëdimensionale. Tash e kemi këtë investim prej 6.5 milionë euro e i bërë me buxhet vetëm nga Komuna e Prishtinës. Ne nuk do ndalemi, me gjithë vështirësitë e krijuara nga qeveria. Po i vazhdojmë punët e mrekullueshme”, ka thënë Rama.
Ai ka falënderuar kreun e LDK-së, siç i është drejtuar “kryeministër në ardhje”, Lumir Abdixhiku.
Nga ana tjetër, lëvdatat për Ramën kanë qenë të mëdha nga Abdixhiku.
Kjo është e arkitektit u bë realitet, po vazhdon me punë të mrekullueshme në kryeqytet. Po ndodhin projekte kapitale. Përparimi po lë shenjë që ka kryer projekte kapitale. Jemi krenar me të. Këto pengesa nuk do ti keni pas 9 shkurtit. Bëhuni gati për tri projekte të reja, do keni mbështetje maksimale”, ka thënë Abdixhiku.
Kujtojmë se disa ditë më parë është publikuar marrëveshja e arritur mes komunës dhe palës së kontraktuar për kryerjen e punimeve, punime këto që arrijnë vlerën e mbi 6.5 milionë eurove.
Në këtë ishull planifikohet të ketë hapësira të gjelbra, hapësira rekreative dhe restaurante.
