Diona Fona, është artistja e radhës që së fundmi ka marrë vaksinën kundër coronavirusit.
Këtë e bëri të ditur përmes një postimi të shpërndarë me fansat në llogarinë e saj në InstaStory.
Ajo po ashtu në një fotografi pranë mikes së saj, krijueses së hitit “Daba Daba”, u ka bërë thirrje të gjithëve që të vaksinohen.
“Vaksinohuni edhe ju. Qëndroni të sigurt”, ka shkruar ajo.
Sot ndërkohë sipas të dhënave nga Instituti Kombëtar i Shëndetësisë Publike të Kosovës, Ministria e Shëndetësisë ka informuar se nga 12 mijë e 558 testime, 1 mijë e 448 qytetarë rezultuan pozitiv me COVID-19.
Gjithashtu, u njoftua se gjatë 24 orëve të fundit kanë ndërruar jetë 26 persona të infektuar me virusin.
Theksojmë që në total numri i rasteve aktive të infektuar me coronavirus kap shifrën e 26 mijë e 525 njerëzve.
