Në çdo marrëdhënie, grindjet e vogla janë të pashmangshme. Nga çështjet e përditshme si paratë dhe edukimi i fëmijëve, deri tek detyrat e shtëpisë dhe aktivitetet e kohës së lirë, çiftet shpesh e gjejnë veten në mosmarrëveshje. Megjithatë, këto konflikte zakonisht zgjidhen shpejt përmes komunikimit, duke i ndihmuar ata të kuptojnë njëri-tjetrin dhe të arrijnë kompromis. Por ka një temë tjetër që shumë çifte shmangin diskutimin: problemet seksuale.
Hulumtimet sugjerojnë se çiftet që flasin hapur për çështjet seksuale janë më të kënaqur me marrëdhënien e tyre. Por shumë njerëz preferojnë të qëndrojnë në heshtje, duke pranuar një jetë seksuale të pakënaqshme sesa të hapin një bisedë të vështirë. Pyetja është, pse ka kaq shumë frikë për të diskutuar nevojat seksuale me partnerin? Psikologia kanadeze Uzha Rehman dhe ekipi i saj kanë hetuar këtë fenomen dhe kanë zbuluar disa arsye që shpjegojnë këtë shmangie të bisedave për seksin.
Konfliktet e komunikimit janë gjithmonë të vështira, sepse natyra jonë shpesh na bën të shmangim emocionet negative, për t’u mbrojtur nga mundësia e dhimbjeve apo humbjeve.
Kjo është arsyeja pse shumë çifte preferojnë të lënë gjërat ashtu siç janë, duke mos i diskutuar ndryshimet që mund t’i bëjnë ata më të lumtur.
Në shumicën e rasteve, çiftet që zgjidhin konflikte të tjera mund të kenë vështirësi të veçanta kur bëhet fjalë për problemet seksuale. Ata shpesh i shmangin këto biseda dhe mbështeten në stereotipe për të orkestruar jetën e tyre seksuale.
Në vend që të shprehin hapur nevojat dhe dëshirat e tyre, ata e mbajnë për vete atë që mendojnë dhe duan. Kjo mund të çojë në një jetë seksuale më të dobët pas disa viteve të martesës.
Një studim i fundit ka treguar se njerëzit shmangin diskutimin e çështjeve seksuale për shkak të frikës se kjo mund të kërcënojë marrëdhënien e tyre, partnerin e tyre ose ata vetë. Shumë çifte mendojnë se një bisedë për seksin mund të dëmtojë marrëdhënien, për shkak të frikës nga konfrontimi.
Ata shqetësohen se mund të lëndojnë partnerin e tyre ose mund të zbulojnë diçka për veten që do t’i bëjë të ndihen të turpëruar ose të pambrojtur.
Në një studim të kryer nga Dr. Rehman, ata iu kërkuan të imagjinonin një situatë konflikti që mund të përfshinte ose detyrat e shtëpisë ose çështje seksuale si frekuenca e kontakteve.
Nga rezultatet e pyetësorit, u vu re se konflikti seksual shkaktonte nivele më të larta të kërcënimit për veten e individëve, krahasuar me konfliktet joseksuale.
Kjo tregon se shumica e njerëzve shmangin bisedat seksuale, sepse i perceptojnë ato si kërcënuese për veten e tyre, duke i bërë ata të ndihen të pambrojtur ose të vënë në siklet.
