Asht nji ndër solistët më të popullarizuem të Radio Prishtinës. E bani të njohtun sidomos kanga “Moj Bakushe” dhe duetet e bukura që këndon me Faik Rizvanollin.
Ismetin e takuam në katundin Brekoc. Asht mësues i shkollës fillore.
– Ma së shumti më pëlqen kanga që këndoj me Faikun “Kah pranvera”. Nexhmije Pagarushën e ndëgjoj me andje të madhe. Ndërsa prej të huajve – Pat Bunin dhe Frenk Sinatrën.
Edhe Ismeti filloi me këndue herët…
– Të gjithë anëtarët e familjes sime janë kangëtarë të njoftun të Gjakovës. Baba më mësoi edhe mue me këndue. Këndojsha në shkollë dhe isha tepër i lumtun.
Shfaqja që nuk e harroj kurrë asht ajo që u organizue në vjetin 1960, në Shtëpinë e Sindikatave në Beograd, ku këndova bashkë me Nexhmije Pagarushën.
Nëpër ndeja e në rrethin e shokëve, të gjithë kërkojnë me e këndue sidomos kangen “O bylbyl o shpend i bardhë”…
– Në diskotekën e Radio Prishtinës kam içizue deri tash nantë kangë solo dhe gjashtë duete me Adem Ejupin, Sanije Shalën dhe Faik Rizvanollin.
Planet e mija?
Këtu, si mësues, kam mjaft kohe me pune. Puna në shoqninë kulturo-artistike po më ndihmon në përparimin tim. Mendoj se vjetin e ardhshëm do të shkoj me studjue në Akademinë e muzikës. Tash, momentalisht, po përgatis disa kangë të reja.
P. S.
Ky shkrim është botuar në vitin 1960. Po e ribotojmë me rastin e vdekjes së para do ditshme të doajenit të muzikës popullore shqiptare, Ismet Pejës.
