Presidenti i Shqipërisë, Ilir Meta, ka nderuar sot këngëtaren Eranda Libohova me titullin e lartë “Mjeshtër i Madh”, për kontributin e saj 35-vjeçar në muzikën shqiptare.
Në fjalën përshëndetëse drejtuar familjarëve dhe artistëve të shumtë të pranishëm në ceremoninë e dekorimit, presidenti Meta tha se mjeshtëria vokale, aftësia për t’iu përshtatur ngjyrave e karakteristikave specifike të rrymave muzikore, fuqia interpretuese, vokali i ngrohtë, janë vetëm disa nga tiparet e Erandës si artiste.
“Plot 35 vjet karrierë e shkëlqyer muzikore, dëshmojnë për një artiste të formuar, ku spikat talenti i lindur dhe profesionistja e vërtetë, si një nga zërat më të çmuar të muzikës tonë. Për të gjithë kontributin e saj në evidentimin e vlerave më të mira artistike kombëtare, kam privilegjin të vlerësoj, në praninë tuaj këngëtaren e shquar Eranda Libohova me titullin e lartë ‘Mjeshtër i Madh’”,
