Aktori dhe producenti i njohur shqiptar, Ermal Mamaqi, ka ndarë së fundmi një mesazh të fuqishëm për të gjithë baballarët. Në një postim të publikuar në rrjetet sociale, ai ka theksuar rëndësinë e shembullit personal në edukimin e fëmijëve.
“Çdo baba duhet ta dijë se një ditë i biri do ndjekë shembullin dhe jo këshillat e tij…”, shkruan Ermal Mamaqi, duke shoqëruar këtë reflektim me një video të bukur të realizuar nga pushimet e tij në Maldivet.
Përmes këtij mesazhi, Mamaqi i kujton të gjithëve se fjalët kanë vlerë, por janë veprat dhe mënyra e jetës që fëmijët do të marrin si model. Postimi i tij ka marrë menjëherë shumë reagime pozitive dhe komente mbështetëse nga ndjekësit.
Ndërsa shijon pushimet tropikale, Ermal Mamaqi vazhdon të inspirojë dhe të përcjellë mesazhe motivuese për jetën dhe familjen.
