Misioni i Bashkimit Evropian për Sundimin e Ligjit në Kosovë, EULEX në një përgjije për tëvë1, kan thënë se njësitet policore të formuara nga EULEX-i, po monitorojnë situatën e sigurisë në veri të Kosovës pas zhvillimeve të fundit atje.Teksa thuhet se EULEX mbetet vigjilent për zhvillimet të cilat mund të ndikojnë në sigurinë e Kosovës.
“Njësitet policore të formuara nga EULEX-i po monitorojnë situatën e sigurisë në veri të Kosovës dhe po ndjekin nga afër zhvillimet e fundit. Për informata më specifike lidhur me zhvillimet e fundit të sigurisë në veri të Kosovës, ju lutemi kontaktoni drejtpërdrejt Policinë e Kosovës. EULEX-i mbetet vigjilent dhe po monitoron nga afër të gjitha zhvillimet që mund të ndikojnë në sigurinë e Kosovës, si dhe në sigurinë e të gjitha komuniteteve në Kosovë”, thuhet në përgjigjen e tyre.
Ndryshe sot është raportuar për dy shpërthime që janë dëgjuar pasditen e së martës në Zubin Potok, ndërsa tri të tjera në Mitrovicë të Veriut – që të dyja komuna të banuara me shumicë serbe në pjesën veriore të Kosovës.
Kurse Policia e Kosovës ka konfirmuar se ka pasur disa incidente që dyshohet se janë shkrepje armësh e shpërthime në Zubin Potok dhe Mitrovicë të Veriut gjatë shoqërimit të zyrtarëve të Komisionit Zgjedhor në zyrat e komisionit komunal.Përmes komunikatës, Policia bëri të ditur se nuk janë raportuar lëndime nga këto incidente, teksa raportohet se protestuesit kanë demoluar zyrat e komisionit komunal zgjedhor.
