Fillon seanca në Kuvend – përpjekja e tretë për konstituim

Me arritjen e shumicës së deputetëve, 45 minuta me vonesë ka nisur seanca për konstituimin e legjislaturës së re të Kuvendit të Republikës së Kosovës.

Në seancë janë të pranishëm 120 deputetë.

Fillimit të kësaj seance ia parapriu takimi i Avni Deharit, si kryesues i Kuvendit, me përfaqësuesit e partive politike, shkruan IndeksOnline.

Pas mbledhjes me Deharin, përfaqësuesit e të gjitha partive kanë rënë dakord që të votojnë unanimisht raportin e ri nga komisioni për verifikimin e mandateve.

Ndërkohë, qëndrimet e tyre për këtë seancë kanë dhënë përfaqësuesit e partive opozitare, të cilët e shohin si të domosdoshme respektimin e Kushtetutës dhe mos-bllokimin e votimit.