Katër finalistët e Big Brother VIP Albania 4 – Egli, Gjesti, Rozana dhe Laerti – janë vendosur përballë një sfide interesante gjatë ditëve të fundit të qëndrimit të tyre në shtëpinë më të famshme në Shqipëri.
Ata u përballën me disa pyetje rreth spektaklit dhe eksperiencës së tyre, por njëra prej tyre ngjalli më shumë debat dhe surprizë.
Në ekran iu shfaq pyetja: “Sa metra katrorë është shtëpia e Big Brother VIP Albania?”
Finalistët, me njëfarë sigurie, dhanë përgjigjen e tyre: “Rreth 350 metra katrorë” – një përgjigje që u udhëhoq nga Laerti dhe Rozana, të cilët u shprehën se e kishin dëgjuar këtë shifër nga moderatori i spektaklit, Ledion Liço.
View this post on Instagram
Mirëpo, përgjigjja e saktë që u shfaq më pas në ekran i befasoi të katërt: shtëpia është në fakt 1,300 metra katrorë.
Reagimet e tyre ishin të çuditura dhe me të qeshura, pasi asnjëri nuk e kishte menduar që hapësira në të cilën kishin kaluar javë të tëra ishte kaq e madhe. “Ne paskemi jetuar në luks pa e kuptuar,” u shpreh me humor njëri prej tyre.
Finalja e madhe pritet më 19 Prill, dhe publiku mezi pret të zbulojë se cili prej këtyre katër finalistëve do të kurorëzohet fitues i këtij edicioni emocionues.
