DASHI
Ju pret një javë tjetër e mrekullueshme, miq të Dashit. Qiell ju favorizon në këtë gusht të jashtëzakonshëm. Në ditët në vijim do të ndiheni edhe më energjikë. Hëna do t’ju bëjë që të jeni kërkues ndaj vetes dhe ndaj të tjerëve. Edhe Marsi është vendosur në pozicion të shkëlqyer. Ai përveçse do t’ju japë forcë dhe dëshirë të madhe për të vepruar, do t’ju japë edhe një shtysë për të marrë gjithçka që dëshironi. Në këtë periudhë të vitit, yjet duken bujarë për shenjën tuaj. Hëna dhe Marsi formojnë një binom shumë të favorshëm për ju në ditët e fillimit të gushtit. Tregohuni të guximshëm dhe të fortë. Ndihuni të lirë, askush nuk mund t’ju ndalojë. Vlerësimin do ta keni me pesë yje.
DEMI
Në përgjithësi kjo do të jetë një javë e mbarë, miq të Demit. Në aspektin sentimental gjërat do t’ju ecin mjaft mirë. Dashuria do të rifitojë terren. Do të merrni dashuri dhe vëmendje nga njerëzit që ju duan dhe që në ditët e mëparshme ishin larguar paksa. Nëse jeni duke kërkuar për histori të reja dashurie, futjuni punës menjëherë! Nga e premtja, Venusi bëhet sërish aktiv në shenjë. Kjo do të thotë se lidhja do të përtërihet dhe do të keni më shumë kohë për të ndenjur bashkë. Vetëm kini kujdes të mos e stërmundoni veten. Dielli do të largohet nga shenja juaj dhe do t’ju nxitë dëshirën për t’u përqendruar më shumë te vetja. Shenja juaj do të vlerësohet me tri yje.
BINJAKËT
Do të jeni këtë javë paksa nervoze, miq Binjakë. Yjet dhe njerëzit e afërt ju vënë nën presion dhe duhet të tregoheni të fortë për të reaguar me shumë durim dhe diplomaci. Marsi do të jetë armiku juaj më i keq, do t’ju bëjë ndonjëherë shumë të drejtpërdrejtë dhe shumë kërkues. Gjatë ditëve në vijim Marsi do të kalojë në shenjën e Shigjetarit. Mos e humbisni toruan, pasi nga mesi i javës edhe Venusi do të largohet nga shenja juaj, duke ju bërë shumë të paduruar. Do të keni debate të vogla në lidhje me aspektin financiar apo organizativ në familje. Nga e premtja mund të keni edhe probleme sentimentale. Megjithatë, një mundësi interesante do t’ju ofrohet. Mësoni të shihni anën e mirë të gjërave. Vlerësimi për ju do të jetë vetëm me një yll.
GAFORRJA
Matini mirë fjalët para se të shpreheni, miq të Gaforres. Një aspekt tipik i karakterit tuaj është sigurisht sinqeriteti dhe aftësia për të thënë gjithmonë atë që mendoni, një karakteristikë që shpesh vlerësohet, por që ndonjëherë është mirë ta mbani nën kontroll. Kështu që kini kujdes në ditët në vijim të mos e teproni me sinqeritetin, mësoni të dëgjoni dhe mos thoni gjithmonë fjalën e parë që ju vjen në mendje. Njerëzit përreth jush në këtë moment ndoshta kanë nevojë të shfryhen dhe të mos u thonë se çfarë është më mirë të bëjnë. Përqendrohuni në qëllimet tuaja pa i përfshirë shumë të tjerët. Është koha që ju të bëheni më praktikë dhe më realistë në ndjekjen e idealeve tuaja të mëdha dhe vlerave shpirtërore. Mos prisni, por veproni. Shenja juaj do të vlerësohet me dy yje.
LUANI
Do të jeni këtë javë protagonistë të vërtetë, miq të Luanit. Nuk mund të ishte ndryshe, duke pasur parasysh që kjo është periudha më e favorshme për ju, por yjet do t’ju japin një shtysë në ditët në vazhdim. Venusi do të nxjerrë në pah sharmin dhe imagjinatën tuaj, ndërsa Dielli do të stimulojë aftësinë tuaj për të qenë bindës dhe për të dialoguar. Nuk ka asnjë dyshim: “Kur duan, Luanët kalojnë çdo pengesë!”. Dhe sikur të mos mjaftonte kjo, Hëna do t’ju mbushë ditët me energji dhe dëshirë të madhe për të vepruar. Bashkëveprimi Diell-Saturn do të thotë sukses dhe fitim. Venusi do të jetë në shenjë deri ditën e premte. Do të dashuroheni fort me dikë, aq sa do ta keni të pamundur ta fshihni. Jeni në rrugën e duhur, vazhdoni kështu. Shenja juaj vlerësohet me pesë yje.
VIRGJËRESHA
Pritet që kjo javë të jetë plot me të tatëpjeta, miq të Virgjëreshës. Keni ende shumë probleme për të zgjidhur, por dalëngadalë gjërat po përmirësohen. Jeni përballur me disa pengesa në punë, një situatë e papritur jua ka komplikuar gjërat, por në ditët në vijim do të jeni në gjendje të gjeni një zgjidhje të shpejtë. E njëjta gjë vlen edhe për sferën sentimentale, nëse keni pësuar një zhgënjim në dashuri ose nëse shumë marrëdhënie deri tani kanë qenë të komplikuara. Këtë javë do të keni momente qetësie dhe bashkëpunimi me të dashurit, përfshirë partnerët. Venusi, që do të kthehet nga shenja juaj më datë 5, do t’ju lejojë t’i përkushtoheni më shumë dashurisë. Do të jeni në gjendje të ndreqni të metat tuaja, dikush mund t’ju hapë sytë. Mos e mundoni shumë veten, pasi nuk jeni në formën tuaj më të mirë fizike. Shenja juaj vlerësohet me tri yje.
PESHORJA
Jepni më të mirën nga vetja, miq të Peshores. Gjatë kësaj jave do të ndiheni të vlerësuar nga njerëzit që keni pranë, nga miqtë dhe partneri juaj. Venusi do ta favorizojë shenjën tuaj. Shikojini gjërat me optimizëm dhe mbani qëndrim pozitiv. Hëna së bashku me Venusin do t’ju bëjnë të këndshëm dhe intrigues. Jeni pro argëtimit dhe do të jeni protagonistët e vërtetë të festës. Shfrytëzoni intuitën tuaj për t’i shtruar vetes rrugën që doni të ndiqni. Shijoni të tashmen, sepse në fundjavë energjitë mund t’ju bien. Shenja juaj do të vlerësohet me katër yje.
AKREPI
Këtë javë do ta merrni veten, miq të Akrepit. Edhe pse ditët e kaluara nuk kanë qenë aspak të lehta, shumë ndërlikime në sferën personale ju kanë demoralizuar dhe ju kanë thyer zemrën, në ditët në vazhdim do të jetë koha ideale për t’u ndier të çliruar. Më në fund një lajm i mirë vjen nga qielli, si nga pikëpamja profesionale, por mbi të gjitha nga ajo emocionale. Ditët më interesante janë ato të fillim gushtit edhe për dashuritë e reja. Gjithçka ndryshon, gjithçka mund të rifillojë. Në fakt, këtë javë do të jeni të përkëdhelur, të dashur dhe do të merrni gjithë vëmendjen që ju ka munguar në periudhën e mëparshme. Do të jetë koha ideale për të qenë më të pavarur. Veproni. Vlerësimin do ta keni me katër yje.
SHIGJETARI
Kjo do të jetë një javë e luhatshme, miq të Shigjetarit. Marsi hyn në qiellin tuaj dhe sjell me vete një valë fuqie, intensiteti dhe pasioni të madh. Jeta do t’ju përkëdhelë me surpriza të bukura. Do të dëshironi të vini në provë veten dhe të dëshmoni aftësitë tuaja, por nuk keni pse ta teproni. Fillimi i javës do të jetë i jashtëzakonshëm, por të tjerët do të presin shumë prej jush. Do të keni shumë, do të keni gjithçka, por do t’i arrini me mundime, qoftë edhe në dashuri. Pavarësisht dëshirës suaj për të reaguar, Venusi do të kalojë në prapavijë, duke i vendosur marrëdhëniet në krizë. Kujdes nga polemikat, qoftë edhe jashtë shtëpisë suaj, me miqtë ose të afërmit. Bëni kujdes si shpreheni, sepse mund të lëndoni njerëzit e afërt. Shenja juaj vlerësohet me tri yje.
BRICJAPI
Ju duhet të gjeni qetësinë, miq të Bricjapit. Duke qenë se keni përjetuar ditë të vështira, ndjeni më shumë se kurrë nevojën për t’u rikthyer në lojë, për të ngritur një projekt të ri ose për të krijuar diçka të rëndësishme. Nuk do të jetë shumë e lehtë për ta përballuar këtë javë, do të prireni të izoloheni dhe do të jeni shpesh inatçinj. Energjia e Marsit do të mungojë. Shumë shpejt, ai së bashku me Saturnin do të kthehen nga shenja e Shigjetarit, një transit që ju fton të mbani nën kontroll fizikun tuaj të paktën deri më datë 22, kur Dielli do të jetë te Virgjëresha. Bëjini gjërat pa u emocionuar shumë. Në veçanti, ky fillim gushti mund të shkaktojë pak stres. Nëse izolimi mund t’ju ndihmojë të gjeni veten dhe ekuilibrin tuaj, ju keni të drejtë ta bëni këtë, por pa lënduar ata që ju rrethojnë. Vlerësimi për ju është vetëm me një yll.
UJORI
Hiqni dorë nga mendimet e këqija, miq të Ujorit. Keni përjetuar një periudhë mjaft të vështirë dhe me sa duket sekretet e së shkuarës po jua mundojnë shpirtin. Mundohuni ta shmangni këtë në çdo mënyrë, në vend që të analizoni çfarë ka ndodhur, harroni zhgënjimet dhe filloni nga e para. Të mërkurë dhe të enjte do të keni keqkuptime në lidhje me disa histori të vjetra. Ruani qetësinë dhe të dielën flisni qartë me palët e përfshira në çështje. Tashmë nga shtatori gjërat do të jenë shumë më mirë, do të duhet të bëni edhe pak durim, por nëse do ta shtroni që tani rrugën e ndryshimeve mund të jetë një zgjidhje e shkëlqyer. Mos kini shpresa të mëdha, por merreni jetën si t’ju vijë. Ju do të vlerësoheni me një yll.
PESHQIT
Jeni shumë të tensionuar, miq të Peshqve. Pritet që ky të jetë një muaj i vështirë për ju. Ashtu si toka vuan nga thatësira, ashtu do të vuajë dhe shenja juaj nga vendosja e trinomit Mërkur-Jupiter-Venus te Virgjëresha dhe binomi Marsi-Saturn në Shigjetar. Për fat të keq, shumë shpejt Marsi do të kalojë në prapavijë, duke e tronditur shumë qiellin tuaj. Planeti i zjarrtë do t’ju tensionojë së tepërmi, duke ju nxitur që të shpejtoni në kryerjen e detyrave. Por pavarësisht momenteve të vështira, në fund të muajit gjendja do të përmirësohet. Mundohuni të ruani qetësinë dhe të mos transmetoni tension dhe nervozizëm në marrëdhënie, dikush mund të lodhet. Ju do të vlerësoheni me dy yje.
