Ivanka Trump, vajza e Donald Trump, e cila ishte krahu i djathtë i tij në mandatin e kaluar, u shfaq me fëmijët e tjerë të Trump në skenë për të mbështetur babain e saj gjatë fjalimit të tij me rastin e fitores.
43-vjeçarja Ivanka u shfaq në skenë në West Palm Beach Convention Center në Florida me bashkëshortin e saj Jared Kushner dhe për këtë rast zgjodhi një kostum blu mbretëror, transmeton Indeksonline.
Ivanka, e njohur ndryshe për stilin e saj elegant, zgjodhi për këtë rast një kostum prej kadifeje të shtëpisë franceze të modës Zadig & Voltaire, i cili përbëhet nga një xhaketë dhe pantallona.
Në faqen zyrtare të markës shkruhet se çmimi i xhaketës është 575 euro, ndërsa pantallonat kushtojnë 345 euro. Krahas kostumit 920 euro, kombinimin e modës e ka kompletuar me një këmishë mëndafshi blu, vathë dhe buzëkuq të kuq.
