Para pak minutash raportohet se objekti i Rektoratit të Universitetit të Prishtinës “Hasan Prishtina” është rrethuar me shirita të Policisë, kjo pasi që dyshohet për një kërcënim me bombë, raporton Gazeta Sinjali.
Sinjali mëson se kërcënimi është marrë përmes një e-maili, i cili ka ardhë në adresë të Rektoratit.
Siç mëson Sinjali në kërcënim mes tjerash thuhet se bomba është vendosur dhe pritet të shpërthej tash.
Lidhur me rastin rektori i Universitetit të Prishtinës, Naser Sahiti, ka deklaruar se kanë marrë një e-mail me kërcënimin për bombë.
“Kemi pranuar një e-mail anonim për një bombë, në siç e kanë shënuar ‘Hasan Prishtina’. Emaili ka ardhë në adresë të Rektoratit”, tha rektori.
Sinjali ka kontaktuar me Policinë e Kosovës, por të njëjtit ende nuk kanë kthyer përgjigje.
