Kjo është historia e dhimbshme e Alpit të zhdukur sot ne Gjilan

Një situatë e rëndë ka tronditur sot qytetin e Gjilanit.

Një djalë 8-vjeçar me emrin Alp, i cili është diagnostikuar me autizëm, është shpallur i zhdukur, duke alarmuar jo vetëm familjen e tij, por edhe gjithë komunitetin lokal, shkruan “Kosovarja”.

Alpi është një fëmijë i cili, që në moshën tre muajshe, është kujdesur nga një familje adaptuese që mbanë fëmijë në përkujdesje.

Familja biologjike e tij, për arsye të paditura, e kishte lënë në mëshirë të fatit.

Zhdukja e tij ka mobilizuar qytetarët e Gjilanit, autoritetet lokale dhe vullnetarët, të cilët kanë filluar kërkimet në të gjitha zonat përreth.

Kujtojmë që familja që po rritë Alpin po i ofronë shumë dashuri gjë që shihet edhe në një intervistë të publikuar vite më parë.