Filantropi dhe Presidenti i Nderit të Dhomës së Biznesit të Diasporës Shqiptare i vendosur për të bashkuar Diasporën Shqiptare.
Sot në Dueseldorf u zhvillua takimi i përbashkët i Unionit të Bizneseve Shqiptaro-Gjermane, Dhomës së Biznesit të Diasporës Shqiptare dhe Organizatës GERMIN të Kosovës.
Të ftuar në ambjentet e biznesit të Z. Lazim Destani në selinë e Dueseldorf, Gjermani, Nazmi Viqa, Kryetar i Unionit të Bizneseve Shqiptaro-Gjermane, pronar i Abbruch GmbH, Anëtari i Kryesisë, Vllaznim Kelmendi, pronar i Kelmendi GmbH, Shkëndije Berisha, anëtare e Kryesisë dhe Fadil Abdullahu, Drejtor Ekzekutiv i Unionit të bizneseve, Ardian Lekaj, Kryetar i Dhomës së Biznesit të Diasporës Shqitpare, Lirim Krasniqi dhe Sihana Bejtullahu Bashkëdrejtor të GERMIN në Kosovë.
Ky takim synon të startojë rrugëtimin e bashkimit të gjithë entiteteve të përfaqësimit të diasporës shqiptare për misione të përbashkëta.
Kryetari i Dhomës së Biznesit të Diasporës Shqiptare, solli në vëmendje, iniciativën dhe përpjekjen me të gjitha mundësitë për të bërë të mundur ndalimin e fenomenit “Brain Drain”, një fenomen aktual që po haset në mbarë botën, por që zbeh interesin e investitorëve për investime në atdhe, duke qënë një çështje që po bëhet gjithmonë e më e ndjeshme në vendet tona të origjinës. Diaspora është një mekanizëm bindës për të bashkëvepruar në ndalim të këtij fenomeni më kontribute të shumllojshme: theksoi ai.
Gjithashtu si ideatori i projekt-idesë së Instrumentit Financiar të Diasporës Shqiptare, z. Lekaj, vijon të lobojë deri në realizim për këtë iniciativë, e cila do të lehtësojë shumë më tepër qellimin e përbashkët por edhe do të na lidhë akoma më fort kundrejt mundësisë reale të shtuar për biznes.
Lirimi dhe Sihana, Bashkëdrejtuesit e GERMIN, i dhanë vëmendje në këtë takim kërkesës për mbeshtetje të Projektit ORIGIN.AL me synim kthimin e të rinjve nga diaspora.
Z. Destani shprehu gatishmërinë e tij edhe këtë herë për mbështetje të çdo iniciative që zhvillon trojet shqiptare kundrejt edhe thirrjes për bashkim, të cilës i bashkohet edhe Unioni i Bizneseve Shqiptaro-Gjermane.
Ky rrugëtim do të vijojë më tej dhe është një thirrje për të gjitha entitetet simotra për të shtuar forcat në shërbim të zhvillimit të trojeve shqiptare.
