Kryeministri i Kosovës, Albin Kurti para pak minutave ka treguar se është miratuar Projektëigji për sigurimet shëndetësore me këtë postim:
“Miratohet Projektligji për Sigurimet Shëndetësore.
Synimi ynë që të investojmë në shërbime shëndetësore dhe të garantojmë sigurim publik shëndetësor për të përmirësuar cilësinë e jetës, po jetësohet me projektligjin e miratuar.
Kjo nismë krijon Fondin e Sigurimit Shëndetësor, rregullon mbledhjen e kontributeve për sigurimet shëndetësore dhe vendos rregullat për barnat e rimbursueshme.
Ajo sjell mbrojtje më të mirë sociale, lufton varfërimin dhe zvogëlon pabarazitë nga shpenzimet shëndetësore. Ky është një zotim i radhës të cilin po e realizojmë e do ta zbatojmë.
Projektligji për Sigurimin e Detyrueshëm të Kujdesit Shëndetësor do të kontribuojë në ruajtjen dhe përparimin e shëndetit dhe në mirëqenien e të gjithë qytetarëve tanë.
Aty ku mungonte dora e shtetit, tash ndihet më shumë se kurrë. Shëndetësinë jemi duke e transformuar rrënjësisht.”
View this post on Instagram
