Mjete të dyshimta në një shkolle në Podujevë – Dyshohet për lëndë shpërthyese

Disa mjete të dyshimta janë gjetur në çatinë e një shkolle në Podujevë.

Rasti ka ndodhur në Shkollën e Mesme dhe të ulët “Shaban Shala”.

Në njoftimin e kësaj shkolle të publikuar në mbrëmjen e së mërkurës, thuhet se dyshohet që mjetet janë lëndë shpërthyese.

“Punëtorët që janë duke punuar në renovimin e çatisë së shkollës kanë identifikuar disa mjete të dyshimta (dyshohet se janë lëndë shpërthyese),andaj deri sa organet kompetente ta bëjnë verifikimin e objektit të shkolles nuk do të paraqitemi në shkollë”, bëhet e ditur në njoftim.