Molliqaj s’i ndahet zyreve të ZRrE-së, bën zhurmë me altoparlant dhe bilbila

Kreu i PSD-së, Dardan Molliqaj vazhdon të qëndroj pranë zyreve të ZRrE-së. Pasi nuk e pranoi raportin e ZRrE-së, Molliqaj ka vazhduar me altoparlant të kritikoj punën e këtij bordi.

Nën zhurmën e altoparlantit dhe bilbilave, kryetari i Bordit të ZRrE-së, Ymer Fejzullahu është rikthyer në zyrën e tij dhe po vazhdon punën.

Molliqaj i ka ftuar kreun e Bordit të ZRrE-së dhe anëtarët e tjerë që të dalin nga zyrat e tyre.

“Do të ulemi dhe do të presim këtu deri sa ZRrE ta publikoj vendimin” kanë thënë zyrtarët e PSD-së.

Policia vazhdon të sillet në ambientet e ZRrE-së dhe mund të ndërhyjë nga një urdhër i radhës.