188
Elhadia Dani është padyshim këngëtarja e trofeve, e cila ka arritur të triumfojë në festival e kompeticione të mëdha jo vetëm në Shqipëri.
28-vjeçarja e ftuar te Rudina foli për karrierën e saj dhe u ndal tek garat.
Ajo theksoi se pas Eurovisionit në 2015-ën e ka ndjerë veten si kalë garash dhe duhet të ndalonte.
“E kam filluar karrierën time vetëm me festivale, vetëm me konkurse e gara, derisa arriti një pikë pas Eurovisionit që ndihesha jo si një këngëtare por si një kalë garash që e merrje dhe vinin baste mbi ty e ti duhet të fitoje. Pas Eurovisionit e ndjeva që ishte momenti të ndaloja. Nuk mund të shijoja artin tim nëse ndjehem gjithmonë në kompeticion me dikë tjetër”, është shprehur ajo.
