Ministrja e Punëve të Jashtme dhe Diasporës, Donika Gërvalla Schwarz, sërish ka bërë huqje në postimin e saj të fundit në rrjetin social Twitter.
Në këtë postim, Gërvalla ka tentuar që ta etiketojë ministrin e Jashtëm të Maqedonisë së Veriut, Bujar Osmani, lidhur me tragjedinë në spitalin e Tetovës.
Por, pa u bërë 24 orë nga huqja me flamujt e Moldavisë dhe Andorrës, Gërvalla bën gafën e radhës, duke bërë ‘tag’ një profil tjetër të një personi me emrin Bujar Osmani, e jo atë të homologut të saj.
Bujar Osmani, ministri i Punëve të Jashtme të Maqedonisë së Veriut, ka llogarinë e tij nën ‘tag’-un të krijuar si ‘Bujar_O’, kurse Gërvalla e ka bërë ‘BujarO’, që me një klikim të dërgon në profilin e krejt dikujt tjetër.
Por nuk vonoi shumë dhe postimi u fshi, për t’u zëvendësuar më pas me një ‘tweet’ tjetër pa gabime.
Ministrja Gërvalla ka gabuar edhe më herët, teksa ka vendosur flamurin e OKB-së në vend të atij të NATO-së.
