Humoristi Osman Azemi vazhdon të jetë mjaft aktiv në rrjetet sociale, me publikimin e skeçeve të ndryshme solo.
Së fundmi, ai realizoi një video të ndarë me ndjekësit në llogarinë e tij zyrtare në Facebook, ku shihet në kuzhinë teksa dëgjon me ëndje atë që mun të duket si muzikë.
Por në fakt, me t’u afruar kamera, ajo tregon se aktori i humorit në fakt po e “argëton” veten duke parë një video të kryeministrit Albin Kurti.
Bëhet fjalë për videon e kryeministrit, ku shihej duke folur mbi vizitën e tij të fundit në Shtetet e Bashkuara të Amerikës.
Djali i humoristit është ai i cili e thërret vazhdimisht babanë e tij, por ky i fundit me kufje në vesh refuzon të përgjigjet, deri në momentin që ai ia largon ato nga lap-topi.
Videoja në fjalë është shpërndarë me të madhe në rrjetet sociale, me fansa të shumtë që kanë komentuar këtë skeç të humoristit, i cili pasqyron atë se si duken fansat e zjarrtë të kryeministrit të Kosovës.
Osmani përndryshe nga ky vit ka nisur një karrierë solo në komedi, duke pauzuar pas dy dekadash së bëri humor me grupin “Stupcat”.
