Osmani ngushëllon Afganistanin për jetët e humbura nga tërmeti shkatërrues

Presidentja e vendit, Vjosa Osmani, ka shprehur ngushëllime të përzemërta familjeve që humbën më të dashurit e tyre nga tërmeti i rëndë në Afganistan.

Në emër të popullit të Kosovës, nga platforma X, presidentja u ka uruar edhe shërim të shpejtë të gjithë të lënduarve atje.

”Ne shprehim ngushëllimet tona të përzemërta për familjet që kanë humbur të dashurit e tyre si pasojë e tërmetit shkatërrues në Afganistan, një tragjedi që ka marrë mijëra jetë. U urojmë shërim të shpejtë të gjithë të plagosurve dhe forcë për popullin e Afganistanit”.