Pamje nga aksidenti ku u lënduan gjashtë persona në Prizren

Një aksident trafiku ka ndodhur sot rreth orës 20:05 në rrugën Prizren Reqan, me ç’rast gjashtë persona kanë mbetur të lënduar.

Në këtë aksident kanë qenë të përfshira dy vetura. Kurse të lënduarit janë duke u trajtuar në emergjencën e spitalit rajonal.

Lajmin për Gazetën Sinjali e ka konfirmuar Vesel Gashi, zëdhënës i policisë së rajonit të Prizrenit.

“Në lidhje me këtë aksident njësitet e policisë janë në vendin e ngjarjes dhe janë duke u marrë me shkaqet e aksidentit”, tha ai për Sinjalin.

Pamjet janë publikuar nga një medium lokal.