Salt Bae tregon një tryezë ‘të rezervuar përgjithmonë’ si një vend të shenjtë për të ndjerin, Diego Maradona, mes veprimeve të fundit të tij në finalen e Kampionatit Botëror.
Videoja u rishfaq pasi kuzhinieri u kritikua për ngacmimin e Lionel Messit në skenat e sikletshme pas fitores së Argjentinës në Kupën e Botës.
Kuzhinieri turk dhe ylli i Instagramit – emri i vërtetë i të cilit është Nusret Gokçe – postoi një video të shkurtër të një tavoline jashtë në restorantin e tij në Dubai.
Ajo është e shtruar me vetëm një pjatë dhe një komplet takëmesh dhe një shenjë bronzi “E rezervuar”.
Gjithashtu në tryezë janë një tufë lulesh, një qiri i ndezur dhe një pikturë e bukur e Salt Bae me legjendën e futbollit, Maradona, i cili vdiq në vitin 2020.
“Përgjithmonë e rezervuar”, ka qenë përshkrimi që ia ka vënë postimit.
Piktura duket se bazohet në një foto pasi ikona e Argjentinës është shfaqur me të njëjtën veshje sikurse vizitoi restorantin në 2018.
Videoja nga ajo kohë tregon reagimin e yllit pasi u ftua të imitonte gjestin me kripë të Gokçes.
Në fillim të kësaj jave, Salt Bae ndau një video të vjetër të tij duke përqafuar Lionel Messin, pasi u përfol për mospërfilljen e futbollistit në fushë.
Messi dhe gruaja e tij vizituan të njëjtin restorant në Dubai në vitin 2018.
Aty ishte Paul Pogba dhe shefi i kuzhinës u sigurua që të futej mes dy futbollistëve për një foto.
Ndjekësit e akuzuan atë për një përpjekje të dëshpëruar për të provuar se është mik me Messin.
Pas finales së Kupës së Botës, Nusret u filmua duke kapur nga supi kapitenin e Argjentinës të paktën dy herë.
Messi u përpoq ta largonte atë përpara se më në fund të pranonte të pozonte për një foto.
Gokçe gjithashtu pretendoi të bënte veprimin e tij të njohur me spërkatjen e kripës mbi trofeun e arit prej 17 milionë funtesh.
Spektakli thuhet se ka thyer rregullat e FIFA-s, të cilat thonë se vetëm ish-fituesit dhe krerët e shteteve mund ta bëjnë atë.
FIFA raportohet se ka refuzuar të thotë nëse Salt Baes i është dhënë akses në fushë.
