Nuk kanë fund pretendimet për përfitimet shëndetësore të verës së kuqe, me studimet që thonë se pirja e moderuar mund të bëjë gjithçka, nga ulja e kolesterolit deri te ndihmesa që të menaxhoni tipin 2 të diabetit.
Por, a është e vërtetë ndonjë nga këto?
Ndërsa këto studime fokusohen në antioksidantët dhe kimikatet e pranishme në verën e kuqe dhe përfitimet e tyre të mundshme, ia vlen të kujtojmë se një dietë e shëndetshme përfshin konsum të ulët ose aspak alkool.
Dietologia e lartë në Fondacionin Britanik të Zemrës, Victoria Taylor, thotë: “Ushqime të tjera – duke përfshirë rrushin, boronica dhe luleshtrydhet – ofrojnë antioksidantë pa efektet negative të alkoolit”.
Megjithatë, provat vërtetojnë se një gotë verë e kuqe është një alternativë më e shëndetshme sesa pijet e forta ose birra.
Ndërsa këto opsione të fundit janë ose kalorifike, ose shpesh pihen me pije joalkoolike me sheqer, antioksidantët e pranishëm në verën e kuqe janë treguar nga dekada kërkimesh se ofrojnë një sërë përfitimesh shëndetësore.
Përbërësit kryesorë të dobishëm në verën e kuqe janë të pranishme për shkak të përdorimit të lëkurës së tyre të errët të pasur me antioksidantë në procesin e fermentimit – antioksidantët polifenol, në veçanti resveratroli.
Polifenolet janë antioksidantë të fortë, të cilët funksionojnë për të reduktuar “stresin oksidativ” që ndodh natyrshëm brenda qelizave të trupit tonë dhe ka qenë i lidhur me sëmundjet e demencës, si dhe me kancerin, diabetin dhe shëndetin e dobët të zorrëve.
