Policët, zjarrfikësit dhe nxënësit e fillores lirohen nga pagesa e trafikut urban në Prishtinë

Policia e Kosovës, Zjarrfikësit dhe nxënësit e shkollave fillore të Komunës së Prishtinës lirohen nga pagesat e përdorimit të trafikut urban.

Kështu bëhet e ditur në një njoftim të Komunës së Prishtinës.

“Ky vendim u mor në shenjë falënderimi për punonjësit e linjës së parë dhe për të stimuluar përdorimin e transportit publik tek gjeneratat e reja”, thuhet në njoftim.