fbpx

Pse Jasharajt nuk reagojnë ndaj temave denigruese?

nga Revista Kosovarja

Pas një deklarate të mulla Osman Muslit, nga Drenasi, se komandanti legjendar, Adem Jashari, kishte agjëruar, kanë eskaluar debate të nxehta televizive, rreth temës nëse ai kishte agjëruar apo jo, shkruan “Kosovarja”.

Debatin e ka nxehur një cigare që i ishte dhënë komandantit legjendar, Adem Jasharit, në kohën e Ramazanit. Sipas mulla Osman Musliut, Ademi i kishte thënë se do ta kallte pas iftarit.

E, a kishte agjëruar apo nuk kishte agjëruar komandanti legjendar, Adem Jashari, nuk duhet veshur me paragjykime fetare.

Sidoqoftë, nuk është hera e parë që televizionet kosovare merren me familjen Jashari dhe me disa elemente që nuk janë për debat.

Dikush duke i dhënë anë fetare, dikush duke e mohuar atë, kanë dalë dhe po dalin përditë e më shumë elemente që elektrizojnë masën, qoftë me petkun politik apo fetar që japin tani, pas 23 vitesh!

Të tillët, e që i japin vetes të drejtë të thonë: “Filmi im e ka bërë legjendë Adem Jasharin…”, nuk është lavd për Adem Jasharin, meqë sakrificën e familjes Jashari e di e gjithë bota, por është lavd ndaj vetvetes!

Sepse, është e turpshme kur dikush më shumë i jep lavd vetvetes sesa rënies heroike të një familjeje të tërë, me 50 anëtarë, në luftë me Serbinë.

Sidoqoftë, Jasharajt e kanë përmbyllur misionin e tyre historik, duke u flijuar për lirinë e Kosovës i madh e i vogël, si rast unikat jo vetëm te shqiptaret, por, pa dyshim, edhe te popujt tjerë të botës.

Andaj, më i moshuari i Jasharajve të Prekazit, Rifat Jashari, duhet të reagojë, në mënyrë që t’ua mbyllë gojën “analistëve” që nxisin obstruksion ndërmjet shtresave sociale në Kosovë. Safet Krivaça /Kosovarja/

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: “Ali Hadri”-nr.16 Prishtinë, Kosovë
REDAKSIA: +38344143448; Email: [email protected]