Presidentja e Kosovës në Parlamentin Evropian tha në tri gjuhë, fjalinë e ish-Presidentit historik të Kosovës, Dr. Ibrahim Rugova: “Liri, pavarësi, demokraci!”. Por, nuk foli edhe për gjendjen aktuale në Kosovë, ku në çdo anë po shkon llugë!
Populli e ka një thënie: “Nusja e mirë, por njërin sy qorr!”. E, kështu po duket gjendja edhe me qeverinë tonë: E bukur, por e verbër!
E bukur se është populliste dhe ata që nuk e njohin matematikën e numrave dhe që nuk kanë lexuar asnjë libër e vlerësojnë nga fjalët e jo nga puna. E, e verbër se ia kanë kthyer shpinën Amerikës!
Kështu, po e ilustroj me një ngjarje jete:
Një djalë ishte ulur në kateteri. Para vetes kishte një gotë të mbushur.
Në moment në kafene hyn një vagabond, duke e hapur derën me shqelm. Të pranishmit frikësohen nga sjellja e tij, e djaloshi s’lëviz nga vendi.
Vagabondi iu ofrua djaloshit, ia mori gotën që e mbante para vetes dhe e pi ujin që ndodhej në të…
Në çast, djaloshi i tha: Nuk po më shkon asgjë mirë. Secilën punë që po e nisi po më dështon!
Së pari, nisa të punoj kamerier, por më përzuri pronari i kafenesë, sepse e derdhja kafen derisa ia e qoja mysafirit…
Pastaj, gjeta punë të hekuros rroba, por edhe aty më përzuri shefi se i djegia teshat!
Tutje gjeta një punë të shisja rroba në rrugë, por më kishte zërë gjumi dhe m’i kishin vjedhur disa sosh e bosi më përzuri nga puna!
Kështu, largim pas largimi, u lodha nga dështimet e përditshme dhe mezi i tubova paratë për të blerë helm që t’i jepja fund jetës.
Por, as helmin s’ma le ta pija, sepse erdhe ti dhe ma pive helmin që e kisha për t’i dhënë fund jetës!
Kështu është edhe me Qeverinë tonë: çdo punë që nis nuk e përfundon kurrë! E, në anën tjetër, flasin për rezultate, për arritje të jashtëzakonshme, e punët po shkojnë llugë, madje më llugë se asnjëherë më parë…
Safet Krivaça /Kosovarja/
