Qetësori nga Dukati i Vlorës, që e fitoi edicionin e dytë të “Big Brother Albania”, është bërë pjesë edhe e edicionit të dytë të “BBVA”.
Siç dihet, “Big Brother Albania 2”, ka qenë një nga më të ndjekurit dhe me personazhe tejet të spikatur, që edhe sot gjenden të plasuar në jetën publike dhe jo vetëm.
Një nga personazhet më të fortë e më të piketuar nga publiku, ishte edhe Aida, për të cilën Qetësori po flet edhe gjatë eksperiencës së tij në “Big Brother VIP Kosova”, shkruan “Kosovarja”.
Qetësori, në një diskutim me Kiaren, e ka përmendur Aiden si lojtare të fortë dhe zotësinë e saj për të debatuar. Ai, ka thënë se ndryshe nga tani, në edicionin ku ai ishte shpallur fitues, në kohën kur hanin buka nuk ziheshin e nuk debatonin.
Të kujtojmë që Aida Troka, bukuroshja dhe vajza me karakter të fortë e “Big Brother Albania 2”, është profesioniste dhe grua e dëshmuar në fushën e biznesit.
