Rriten për 20% pensionet e veteranëve të UÇK-së

Qeveria e Kosovës ka vendosur që nga janari i vitit 2025 të rriten pensionet e veteranëve të luftës së UÇK-së. Këtë e ka konfirmuar në një konferencë për media kryeministri i vendit, Albin Kurti.

“Nga janari 2025 rriten për 20 % pensionet e përcaktuara me ligjin për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave të dhunës seksuale të luftës, viktimave civile dhe familjeve të tyre”, ka thënë Kurti./IndeksOnline