Shefi i Zyrës së Bashkimit Evropian në Kosovë, Tomáš Szunyog, e ka dënuar dhunën që ngjau sot në Parlamentin e Kosovës midis qeverisë dhe opozitës.
Ai i quajti zhgënjyese këto skena dhe tha se në parlament nuk ka vend për sulme fizike, por duhet të mbizotërojë diskursi dhe shkëmbimi i ideve.
“Skena zhgënjyese të dhunës u panë sot në Kuvend”, ka shkruar Szunyogu në Twitter.
“Parlamenti nuk është vend për sulme fizike, por vend për të diskutuar propozime dhe politika në mënyrë demokratike. Diskursi dhe shkëmbimi i ideve janë themele bazë të demokracisë”, ka shkruar tutje ai.
Një përleshje mes deputetëve ka ndodhur në Kuvendin e Kosovës përderisa kryeministri Kurti kishte fjalën.
Disappointing scenes of violence seen today in the Assembly. The Assembly is not a place for physical attacks, but a place to discuss proposals and policies in a democratic manner. Discourse and exchange of ideas are basic foundations of a democracy.
— EU Ambassador in Kosovo (@EUAmbKS) July 13, 2023
