Të konsumosh ushqim vonë në mbrëmje mund të duket i pafajshëm, por ekspertët e shëndetit paralajmërojnë se ky zakon po bëhet gjithnjë e më i rrezikshëm për organizmin.
Studime të fundit tregojnë se ngrënia pas orës 21:00 lidhet me rritje të rrezikut për obezitet, probleme me tretjen, diabet të tipit 2 dhe çrregullime të gjumit.
Sipas nutricionistëve, trupi ynë ka një ritëm natyror – i njohur si “ora biologjike” – që ndikon në mënyrën si tretet ushqimi. Kur hamë vonë, veçanërisht ushqime të rënda ose të përpunuara, sistemi tretës detyrohet të punojë kur duhet të pushojë, gjë që shkakton fryrje, urth dhe mbingarkesë metabolike.
Gjithashtu, konsumimi i kalorive të tepërta gjatë natës mund të ndikojë në cilësinë e gjumit dhe të shkaktojë lodhje të vazhdueshme gjatë ditës.
Ekspertët këshillojnë që vakti i fundit i ditës të konsumohet të paktën 2–3 orë para gjumit, dhe të jetë i lehtë dhe i pasur me ushqime të shëndetshme.
