Vdiq një grua në Prishtinë, ra nga një ndërtesë – Policia jep detaje

Një grua është gjetur pa shenja jete sot rreth orës 19:00 në rrugën “Jakov Xoxa” në Prishtinë.

Lajmi e ka konfirmuar Flora Ahmeti, zëdhënëse e policisë për rajonin e Prishtinës.

Ahmeti tha se viktima ka rënë nga një ndërtesë.

“Vdekjen e së cilës e ka konstatuar ekipi mjekësor në vendngjarje. Aktualisht hetuesit policorë në koordinim me prokurorinë përkatëse, janë duke punuar për të sqaruar të gjitha rrethanat që lidhen me rastin”, tha Ahmeti.