Violeta Kajtazi fëmiu i dhjetë në familje

nga Revista Kosovarja 1 Maj, 2021

shkruar nga Revista Kosovarja 1 Maj, 2021

Violeta Kajtazi ka pasur fëmijëri të bukur, e këtë e thotë vetë ajo, shkruan “Kosovarja”.

“Ka raste kur them se nuk kisha desht tjeter veç me u ba e vogël edhe një herë. Janë obligimet dhe ngarkesat e jetes që të sjellin para një dëshire të papërmbajtshme për t’u rikthyer në fëmijëri, në kohën kur jetohet qetësisht, pa punë, halle e derte. Ndonëse e dua shumë punën, nganjëherë lodhem dhe I lakmoj të vegjlit. Kam pasur fëmijëri të lumtur, më kanë përkëdhelur shumë, ndoshta për faktin se unë kam qenë më e vogla e familjes, fëmiu I dhjetë”.

Ajo vazhdon tutje: “Më thonë që kam qenë fëmijë I urtë dhe e shoqërueshme. Nëse do të isha edhe një herë fëmijë, nuk do të kisha kërkesa të mëdha për prindërit, do ti kuptoja, do të mësoja sa më shumë, do të merresha me aktivitete dhe kurse dhe nuk do të humbisja kohë duke luajtur lojëra kompjuterike si fëmijët e sotshëm”, thotë ajo për “Kosovaren”.